Сахам тылын хайгыыбын
Санааларбын тиһэбин,
Ырыаларбар ыпсарабын
Иэйиилэрбэр иҥэрэбин!
Сахам тыла сайыннын
Саргылара үрдээтин,
Сөрүүн сүөгэй сүмэтэ
Сүрэхтэри сылаанньыттын!
Төрөөбүт тылым өһөн
Төлөнө уостубатын,
Сайар тыына умуллан
Саргыта самныбатын!
Төрүттэрим тылларын
Төлөрүтэр буолбаппын,
Өбүгэм үгэстэрин
Өһүлбэппин, сүөрбэппин!
Төлкөтө төннүбэтин
Түөрэҕэ түҥнэстибэтин,
Дорҕоонноохтук сатараан
Дууһа кылын уйгууртун !
ЛЮЦИЯ-АЙЫЛЛААНА
(ИЙЭ ТЫЛ УОННА СУРУК-БИЧИК КҮНҮНЭН
ТУТА ХОҺУЙУУ)
